Mekanizazio-prozesu konbentzionalak

Gorka Urbikain Pelayo (Bilbao, 23/01/1981) irakasle titularra da Euskal Herriko Unibertsitatean (UPV/EHU, Gipuzkoako Ingeniaritza Eskola). Ekoizpen eta Fabrikazio Sistemak eta Mekanika Aplikatua irakasgaiak ematen ditu, Ingeniaritza Mekanikoko Graduko 2. kurtsoan. Aeronautikako Fabrikazio Aurreratuko Zentroan (CFAA) lan egiten du, ikerketa-proiektuetan parte hartuz, Europa eta Estatu mailan. Kalitate goreneko aldizkarietan (Q1-Q2 kuartilak) berrogei artikulu baino gehiago idatziak ditu. Era berean, eragin handienetariko ikertzaileen artean dago, Stanfordeko Unibertsitateak argitaratutako (%2 aipatuenak) zerrendan agertuz.

Daniel Olvera Trejo (Sahagún, México, 21/07/1986). Monterreyko Teknologikoko (Mexiko) Ingeniaritza Mekanikoko eta Material Aurreratuetako Departamentuko irakasle laguntzailea da. Era berean, Institute of Advanced Materials for Sustainable Manufacturing Institutuarekin lan egiten du. Bertan, manufakturako material eta teknologia berriak garatzeko parte hartzen du, etorkizun jasangarri baterantz. Industria-sektorearekin mekanizazio-prozesuak optimizatzeko, erremintak diseinatzeko eta makinen karakterizazio dinamikorako ikerketa-proiektuetan parte hartu du.